Gwasanaeth Sul y Cofio – 9 Tachwedd 2025
Ar Sul y Cofio, cynhaliwyd gwasanaeth hyfryd yn Eglwys Sant Mihangel, yn dilyn yr orymdaith draddodiadol drwy'r dref o dan arweiniad y Lleng Brydeinig Frenhinol.
Roedd y gwasanaeth coffa eleni yn nodi Sul y Cofio cyntaf y Parchedig Noel McGarrigle yn Abergele, a thraddododd bregeth deimladwy yn tynnu sylw at bwysigrwydd heddwch a dealltwriaeth rhwng pawb. Arweiniodd y Maer, y Cynghorydd Tracey Brennan, y gynulleidfa mewn gweddi; cafwyd hefyd ddarlleniadau gan Mr Matt Wildsmith a Mr Hugh Williams o Ioan 15, 12–17, a chan ddisgybl o Ysgol Emrys Ap Iwan o’r Rhufeiniaid 8, 31–39.
Roedd yn galonogol gweld ein hysgolion lleol a grwpiau ieuenctid yn cymryd rhan, gan gynnwys Ysgol Emrys Ap Iwan, Ysgol Glan Gele, Ysgol Glan Morfa, Ysgol Sant Elfod, Sgowtiaid Abergele, Clwb Rygbi Abergele, Clwb Pêl-rwyd Abergele, i enwi rhai yn unig. Roedd ein Cynghorwyr lleol ac, yn bwysicaf oll, ein Cyn-filwyr yno hefyd.
Diolch yn fawr i bawb a oedd yn bresennol ar y diwrnod hwn o ddiolchgarwch a myfyrdod – roedd y nifer a ddaeth yn record, gan ddangos yr ysbryd cymunedol yn Abergele unwaith yn rhagor.
- Prosesiwn Sul y Cofio drwy Abergele, gyda dyn yn dal banner a hogyn ifanc ar y blaen
- torchau pabi o dan gofeb ryfel Abergele
- dyn mewn gwisg filwrol yn rhoi torchen lawr wrth y gofeb yn Abergele yn ystod y gwasanaeth
- dyn mewn gwisg filwrol o flaen y gofeb yn Abergele yn ystod y gwasanaeth
- dyn milwrol yn cyfarch cofeb ryfel Abergele yn ystod y seremoni
- Y maer a phobl mewn dillad smart yn sefyll y tu allan i Eglwys Sant Mihangel yn ystod yr orymdaith goffa
- pobl tu mewn i'r Eglwys yn dal pamffledi yn ystod y gwasanaeth coffa
